Учурдагы жаңылыктар

Бишкек. 2019-жылдын 5-ноябрында Кыргыз Республикасынын Эмгек жана социалдык өнүктүрүү министрлиги (ЭСӨМ) мамлекеттик социалдык заказ (МСЗ) боюнча конференция өткөрдү. Ага өкмөттүк жана өкмөттүк эмес уюмдардын 100дөн ашык өкүлү катышты. Конференция мамлекеттик социалдык заказ калктын кыйла аялуу топтору сапаттуу социалдык кызмат көрсөтүүлөргө жетүүсү үчүн өкмөттүн жарандык коом уюмдары менен кызматташуусуна мүмкүндүк берүүчү эффективдүү механизм болуп калгандыгын ырастады. Иш-чара USAIDдин Биргелешип башкаруу программасынын жана Өнүктүрүү саясат институтунун (www.dpi.kg) колдоосунда өткөрүлдү.
 
2013-жылы КР Эмгек жана социалдык өнүктүрүү министрлиги бюджетинин жалпы суммасы 13,9 млн. сом менен мамлекеттик социалдык заказды ишке ашыруучу жападан жалгыз мамлекеттик орган болгон. 2019-жылы үч мамлекеттик орган (ЭСӨМ, Жаштар, спорт жана дене тарбия иштери боюнча мамлекеттик агенттик жана Саламаттык сактоо министрлиги) жана беш муниципалитет жалпы бюджети 43,8 млн. сом менен МСЗны ишке киргизишти. Билим берүү министрлиги балдардын мектепке чейинки билим алууга жетүүсүн кеңейтүү максатында өзүнүн мамлекеттик социалдык заказ программасын иштеп чыкты жана муктаж болгон үй-бүлөлөргө социалдык ваучерлерди берүүнү пландаштырууда.
 
2017-жылдан тартып Өнүктүрүү саясат институту USAIDдин Биргелешип башкаруу программасынын колдоосунда КР Эмгек жана социалдык өнүктүрүү министрлигине, муниципалитеттерге жана жарандык коом уюмдарына улуттук жана муниципалдык деңгээлде социалдык заказ механизмдерин ишке киргизүүгө жардам берүүдө. Улуттук деңгээлде МСЗнын аткарылышына мониторинг жүргүзүү жана баа берүү жол-жоболору, МСЗны аткаруучу коммерциялык эмес уюмдар менен ЭСӨМдүн ортосундагы өз ара аракеттенүү механизмдери жакшыртылды, USAIDдин Биргелешип башкаруу программасынын колдоосунда иштелип чыккан МСЗ жөнүндө Мыйзамды колдонуу тажрыйбасына баа берилди. Жергиликтүү деңгээлде Баткен, Кочкор-Ата, Ош, Каракол шаарлары, ошондой эле Узун-Кыр, Ленин жана Кызыл-Октябрь айыл аймактары долбоордун катышуучулары болду. 2019-жылы катышуучу муниципалитеттер жергиликтүү бюджеттен жалпы суммасы 1 950 000 сомго социалдык керектөөлөргө он социалдык грант бөлүп берди. Алар мигранттардын балдарына, майып балдарга, үй-жайсыздарга, улгайган адамдарга, үй-бүлөлүк зомбулуктун курмандыктарына жана калктын башка социалдык аялуу топторуна колдоо көрсөтүүгө багытталды. Жергиликтүү кеңештердин инновациялык ыкмаларды ишке киргизүүнү колдоого алгандыгы, МСЗнын муниципалдык программаларын жактыргандыгы маанилүү болуп саналат.
 
“Мамлекеттик социалдык заказ биз үчүн жаңы механизм болуп саналат, социалдык заказ – бул муктаж болгон адамдардын артыкчылыктуу социалдык проблемаларын чечүү процессине жарандык коом уюмдарын тартуу, социалдык кызмат көрсөтүүлөрдүн мамлекеттик эмес жеткирип берүүчүлөрүнүн рыногун өнүктүрүү, социалдык өнүктүрүү боюнча курч маселелерди чечүүнүн инновациялык методдорун колдонуу мүмкүндүгү”, - деди Каракол шаарынын вице-мэри Гульназ Орозова.
 
USAIDдин Биргелешип башкаруу программасы (ББП) жарандык коом менен Кыргыз Республикасынын мамлекеттик органдарынын ортосундагы эффективдүү кызматташтыкка көмөк көрсөтөт. Программа АКШнын Эл аралык өнүгүү боюнча агенттиги (USAID) тарабынан каржыланган жана Ист-Вест Менеджмент Институту (EWMI) тарабынан ишке ашырылууда.
 Photo 5 Письмо благодарности муниципалитету г Ош ведущий специалист Орозалиев Максатбек MG 2073
 
Бишкек. 2019-жылдын 5-ноябрында КР Эмгек жана социалдык өнүктүрүү министрлиги USAIDдин Биргелешип башкаруу программасы жана Өнүгүү саясаты институту менен кызматташтыкта “Кыргыз Республикасында мамлекеттик социалдык заказ тажрыйбасы жана келечеги” темасында конференция өткөрөт. Конференция Шератон отелинде саат 10:00дөн 16:00гө чейин болот. Дареги: Бишкек шаары, Киев көчөсү, 148 В.
Журналисттерде “Мамлекеттик социалдык заказ жөнүндө” Кыргыз Республикасынын Мыйзамын ишке ашыруудагы жетишкен жыйынтыктар менен таанышууга мүмкүнчүлүк болот. Социалдык заказ өкмөткө ар түрдүү кызматтарды көрсөтүүдө коммерциялык эмес уюмдар менен өнөктөш болууга мүмкүндүк берет. Шаар муниципалитеттери жана Ысык-Көл, Ош, Жалал-Абад жана Чүй облустарынын жергиликтүү өз алдынча башкаруу органдары жергиликтүү деңгээлде мамлекеттик социалдык заказ (МСЗ) механизмин колдонуудагы мыкты тажрыйбалар жана алынган сабактар менен бөлүшүшөт.
Конференцияда КР Президентинин Аппаратынын жарандык өнүктүрүү жана этностук саясат бөлүмүнүн башчысы Н.А. Ташпаева айым, эмгек жана социалдык өнүктүрүү министри У.Т. Кочкоров мырза, USAIDдин Кыргыз Республикасындагы миссиясынын директору Гэри Линден мырза сөз сүйлөшөт.
Аккредитация алуу үчүн байланыш: 0554 011 049 жана 0779-144 133 (Кымбат Кадыралиева)
КР Эмгек жана социалдык өнүктүрүү министрлигинин басма сөз-борбору
USAIDдин Биргелешип башкаруу программасы (ББП) жарандык коом менен Кыргыз Республикасынын мамлекеттик органдарынын ортосундагы эффективдүү кызматташтыкка көмөк көрсөтөт. Программа АКШнын Эл аралык өнүгүү боюнча агенттиги (USAID) тарабынан каржыланган жана Ист-Вест Менеджмент Институту (EWMI) тарабынан ишке ашырылууда.
 
2019-жылдын 23-октябры, Кыргыз Республикасынын Эмгек жана социалдык өнүгүү министрлиги USAIDдин Биргелешип башкаруу программасы менен кызматташтыкта “Үй-бүлөлүк зомбулуктан коргоонун жана сактоонун жергиликтүү механизмдери” темасына конференция өткөрөт, анда Ысык-Көл жана Ош облустарынын 4 районунда жана Бишкек шаарынын 9 жаңы конушунда үй-бүлөдө зомбулуктун алдын алуу боюнча 27 комитеттин (ҮЗАК) ишинин жыйынтыктары айтылат. Конференция Хаят Риженси мейманканасында саат 10:00дө өтөт, дареги: Абдрахманов көч., 191.
 
Конференцияда КР Жогорку Кеңешинин вице-спикери Аида Касмалиеванын, КР вице-премьер-министри Алтынай Өмүрбекованын, КР Эмгек жана социалдык өнүгүү министри Улукбек Кочкоровдун жана мамлекеттик органдардын, USAIDдин өкүлдөрүнүн, жарандык коомдун жана үй-бүлөдө зомбулуктун алдын алуу боюнча жергиликтүү комитеттердин (ҮЗАК) катышуусу күтүлүүдө.
 
Ошондой эле КР Эмгек жана социалдык өнүгүү министрлигинин, Кризистик борборлор ассоциациясынын, “Абийир Эл” КБсынын, “ДИА” КФсынын өкүлдөрүнүн, Бишкек шаарынан, Ысык-Көл жана Ош облустарынан үй-бүлөдө зомбулуктун алдын алуу боюнча комитеттердин (ҮЗАК) катышуусу менен саат 15:00дө Пресс-кафе болот.
ҮЗАКтын өкүлдөрү үй-бүлөлүк зомбулук учурларын алдын алуу боюнча эң мыкты тажрыйбалары, турмуштан алынган сабактар, ошондой эле 2017-жылы кабыл алынган “Үй-бүлөлүк зомбулуктан коргоо жана сактоо жөнүндө” Мыйзамды ишке ашырууга багытталган ҮЗАКтын потенциалын өнүктүрүү жана чыңдоо боюнча андан аркы пландар менен бөлүшөт.
 
Аккредитациялоо үчүн телефондор: 0554 011 049 жана 0779-144 133 (Кымбат Кадыралиева)
КР Эмгек жана социалдык өнүктүрүү министрлигинин басма сөз-кызматы
 
USAIDдин Биргелешип башкаруу программасы (ББП) жарандык коом менен Кыргыз Республикасынын мамлекеттик органдарынын ортосундагы эффективдүү кызматташтыкка көмөк көрсөтөт. Программа АКШнын Эл аралык өнүгүү боюнча агенттиги (USAID) тарабынан каржыланган жана Ист-Вест Менеджмент Институту (EWMI) тарабынан ишке ашырылууда.
 
Бишкек - 2019-жылдын 23-октябрында Үй-бүлөдө зомбулуктун алдын алуу боюнча комитеттер (ҮЗАК) 2019-жылдын январынан берки өздөрүнүн ишинин жыйынтыгын көрсөтүштү. Жергиликтүү активисттерден турган комитеттер калкка үй-бүлөлүк зомбулуктан коргонуунун ыкмалары жөнүндө маалымат берүүгө жардам беришти. Ушул комитеттердин ишине арналган конференция USAIDдин Биргелешип башкаруу программасы менен кызматташтыкта Кыргыз Республикасынын Эмгек жана социалдык өнүктүрүү министрлиги тарабынан уюштурулду.
 
Конференциянын жүрүшүндө Ысык-Көл жана Ош облустарынын 4 районунда жана Бишкек шаарынын 9 жаңы конушунда үй-бүлөдө зомбулуктун алдын алуу боюнча 27 комитеттин ишинин жыйынтыгы көрсөтүлдү. 2019-жылдын январынан тартып комитеттер “Үй-бүлөлүк зомбулуктан коргоо жана сактоо жөнүндө” Мыйзам жана үй-бүлөдөгү зомбулуктун кантип алдын алып жана өзүңдү кантип коргоо керектиги жөнүндө 3,4 миңден ашык жергиликтүү тургундарга маалымат берилди.
 
Конференцияда комитеттердин активдүү мүчөлөрү үй-бүлөлүк зомбулукка каршы күрөшүүдө өздөрүнүн тажрыйбасы жөнүндө айтып беришти. Мисалы, комитеттин мүчөлөрү “кыз ала качуунун” курмандыгы болгон жана үч жылдан ашык бою күйөөсүнүн жана кайненесинин кордугуна чыдап келген 21 жаштагы келинди аныкташкан. Комитет участкалык милиционер менен бирге ал келинге жардам көрсөтүп, кризистик борбордун өкүлдөрүн чакырышкан жана социалдык өнүктүрүү органдарына каттоого тургузууга жардам беришип, ажырашуу жана алимент алуу боюнча юридикалык жардам сурап про-боно адвокаттарга кайрылышкан.
 
Андан тышкары, катышуучулар ҮЗАКтын жергиликтүү өз алдынча башкаруу органдары (ЖӨБО) жана 2017-жылы кабыл алынган жаңы мыйзамды ишке ашырууга жооптуу болгон мамлекеттик органдар менен өз ара аракеттенүү маселелерин талкуулашты. Комитеттер ошондой эле өздөрүнүн ишин өнүктүрүү жана күчөтүү боюнча андан аркы пландары менен бөлүштү.
 
Эмгек жана социалдык өнүктүрүү министри Улукбек Кочкоров белгилеп кеткендей: “Үй-бүлөлүк зомбулук учурлары ар бир үй-бүлөгө жеке мамиле кылууну жана алар менен иштөөнү талап кылат, ошондуктан үй-бүлөдө зомбулуктун алдын алуу боюнча комитеттер сыяктуу жергиликтүү институттарды өнүктүрүү зомбулукту өз учурунда аныктоо жана жардам көрсөтүү үчүн маанилүү”.
 
2019-жылдын январынан тартып USAIDдин Биргелешип башкаруу программасы “Үй-бүлөлүк зомбулуктан коргоо жана сактоо боюнча жергиликтүү комитеттерди өнүктүрүүгө көмөктөшүү” долбоорунун алкагында ҮЗАКты түзүү жана анын потенциалын өнүктүрүү боюнча Кризистик борборлордун ассоциациясынын, “ДИА” коомдук фондунун жана “Абийир Эл” коомдук бирикмесинин демилгесин колдоп келе жатат.
 
USAIDдин Биргелешип башкаруу программасы (ББП) жарандык коом менен Кыргыз Республикасынын мамлекеттик органдарынын ортосундагы эффективдүү кызматташтыкка көмөк көрсөтөт. Программа АКШнын Эл аралык өнүгүү боюнча агенттиги (USAID) тарабынан каржыланган жана Ист-Вест Менеджмент Институту (EWMI) тарабынан ишке ашырылууда.
 Директор Ассоциации кризисных ценров Толкун Тюлекова результаты исследование IMG 1610
 
2019-жылдын 1-августунда Кыргыз Республикасынын Өкмөтү 2017-жылы кабыл алынган “Үй-бүлөлүк зомбулуктан сактоо жана коргоо жөнүндө” КР Мыйзамын ишке ашыруу жөнүндө” № 390 токтом кабыл алды. Кабыл алынган ченемдик укуктук актылар Өкмөткө үй-бүлөлүк зомбулуктан сактоону жана коргоону ишке ашыруучу мамлекеттик органдардын өз ара аракеттенүү тартибин ишке киргизип, үй-бүлөдөгү зомбулукка кыйла эффективдүү каршы күрөшүүгө жардам берет. Бул механизм үй-бүлөлүк зомбулук кырдаалына туш болгон адамга мамлекеттик органдардын биргелешкен күч-аракеттери менен ар тараптуу колдоо көрсөтүлөөрүн болжолдойт. Ар бир уюм зомбулуктун курмандыгына биргелешип жардам көрсөтүү үчүн үй-бүлөлүк зомбулук учурларын каттап жана ал тууралуу маалыматты бири-бирине берүүгө милдеттүү. Ал эми үй-бүлөдө зомбулук көрсөткөндөр үчүн типтүү түзөтүү программасы бекитилген.
Кризистик борборлордун ассоциациясы, КР Эмгек жана социалдык өнүгүү министрлигинин гендердик маселелер боюнча бөлүмү жана ведомстволор аралык жумушчу топ USAIDдин Биргелешип башкаруу программасынын колдоосунда мыйзам алдындагы актыларды иштеп чыгышты жана жарандык коом уюмдарынын жана мамлекеттик органдардын 500дөн ашык өкүлүнүн катышуусу менен өлкөнүн бүткүл регионунда кеңири коомдук дискуссияларды уюштурду.
USAIDдин Кыргыз Республикасындагы миссиясын өнүктүрүү боюнча программалар жана жетишилген ийгиликтер жөнүндө кыйла кенен маалымат алуу үчүн Кыргыз Республикасындагы USAIDдин сентябрь үчүн маалыматтык бюллетенин карап чыксаңыздар болот: https://usaidkg.exposure.co/september2019-newsletter-ru.
 
 IMG 0652

Чүй облусунда өткөн тегерек столдун катышуучулары өздөрүнүн толуктоолорун жана түзөтүүлөрүн киргизүү үчүн USAIDдин Биргелешип башкаруу программасынын колдоосунда Кризистик борборлордун ассоциациясы, КР Эмгек жана социалдык өнүгүү министрлигинин гендердик маселелер боюнча бөлүмү жана ведомстволор аралык жумушчу топ тарабынан иштелип чыккан мыйзам алдындагы актыларды талкуулап жатышат.